Tinky

Ek en Johan het vanmiddag met middagete afgeloop na die koeie toe, want ek het 'n paar foto's gaan neem vir my Fotografie kursus. Tinky het saam met ons geloop. Sy hardloop vooruit na die pype wat in die grond is en sy soek net hase.

Huis op die plaas

Die huis waarin Pieter en ek op die plaas gaan bly, vorder maar stadig. Ons het gedink teen hierdie tyd is ons al op die plaas. Nou wonder ek of ons die einde van die maand op die plaas gaan wees.

Alles is in die sitkamergedeelte gepak, sodat hulle die garages kan verf.

Die kombuis uit 'n ander hoek gesien. Die meeste van die kaste is al daar en vasgesit waar hulle moet kom.

Die badkamer. Hier is die stort darem al ingesit. Ja, en Annika is nogsteeds bekommerd, want die bad is nog vuil. Waar sal hulle dan nou bad???

Wel, ons wag nou in spanning. Ek moet begin pak, maar kom ook nie sover nie. Het darem al die somersklere gepak en so twee of drie bokse. Ek moet uitsorteer. Dit wat ek nie die afgelope twee jaar gebruik het nie, sal ek nie sommer in die jare vorentoe gebruik nie. Miskien is die idee van 'n garageverkoping nie 'n slegte idee nie.

Miswolk

Nou die oggend toe Pieter en ek uitgery het plaas toe, het ons hierdie mooi laaghangende miswolk gekry.

Verjaarsdag wense

Deuzart Oosthuizen verjaar vandag en is 8 jaar oud. Baie geluk, Jong. Geniet die dag en ons hoop jy word lekker bederf.

Ons moeders

Aan ons twee ma's in Suid Afrika : Ouma Issie en Ouma Hettie. Hoop julle geniet 'n wonderlike moedersdag en dat al die ander kinders julle lekker bederf. Lief vir julle.

Ook aan al die ander Mammas, oral oor die wêreld : Geniet julle dag.

Kuier vir Moedersdag

Daleen het ons almal genooi om vir moedersdag daar by hulle te kom eet. Ons het baie lekker gekuier.

Ma Annatjie

Ruben en Daleen


Joanne en Yolandi

Soos julle kan sien het die kleingoed baie lekker buite gespeel.

Gelukkige Moedersdag!

Ek wil graag vandag vir my moeder en skoonmoeder en al die ander baie spesiale moeders wat ek ken, 'n baie gelukkige Moedersdag toewens. Julle is so kosbaar vir ons kinders! Dankie vir julle geduld en al julle liefde. Ek hoop julle word s lekker bederf soos ek vanoggend bederf is! Geniet Moedersdag!