Odélia en Annika het Vrydagaand by my en oupa Pieter geslaap. Dit het lanklaas gebeur, want terwyl ek kalfies melk gegee het, kon hulle nie by ons gekuier het nie. Pieter is 4uur uit om te gaan melk. Ons het nog lekker geslaap, maar die klein mensies is vroeë opstaners. Half 6 het Annika kom sê dat sy nou genoeg geslaap het en Odélia het besluit : Ons kan nou ons ander DVD kyk.
Op die foto bo sit hulle half 6 in die oggend na Barbie and the Diamond Castle en kyk.
Hierdie DVD is baie spesiaal. Dit is met sakgeld gekoop. Hulle doen werkies en dan kry hulle sakgeld. Die DVD het 3 DVD's in. Vrydagaand is Barbie en die 12 Dancing Princesses gekyk en Saterdagoggend die ander twee. Die derde een is Barbie and the Island Princess.
Ek het 'n tydjie terug vir hulle elkeen 'n papierpop boek gekoop. Ook prinsesse, maar die DVD het gewen en die papierpoppe het op 'n hopie op die tafel bly lê.
No comments:
Post a Comment