Jaco Nortje verjaar

Jaco Nortje verjaar vandag. Sjoe Jaco, kan nie dink dat jy al 42 jaar oud is nie. Voel soos nou die dag dat julle nog jong kinders was. Baie geluk. 'n Jaar vol vreugde, voorspoed en geluk word jou toegebid.

Springbokke

Suid-Afrika bo!!!!

Baie geluk aan die Springbokke met hulle oorwinning vanoggend. Hier in die land van die silwer varing, is dit doodse stilte.

Pieter het gelukkig vanoggend toe hy by die werk kom, afgekry om die wedstryd by die huis te kom kyk. Natuurlik is hy terug met sy Springbok trui aan. Geen kommentaar nie.

Nou kyk ons uit na die naweek. Hulle sal nou hulle staal moet wys teen die Engelse. Ek glo nie dit gaan 'n maklike wedstryd wees nie. Ons hou in elk geval duimvas. Hulle speel natuurlik nou Sondagoggend (ons tyd) hier by ons.

Get free graphics at BlingyBlob.com!

Meisiekinders speel "dress up"

Odélia, Annika en Joanné het hul feetjie kleertjies vir ons aangetrek. Hier is die foto's.

Odelia in haar rokkie

Annika in haar kleertjies.

Laaste, Joanné. Dit lyk sowaar of sy weet sy moet nou "pose"

Joanné het haar eerste tand op ons troudag gesny en die tweede een nie baie lank daarna nie. Hier neem Yolandi die tande vir ons af. Duidelik is Joanné nie baie beindruk met Mamma nie.

Welkom in die wêreld, Simoné

Baie geluk, Kobus en Liza van Wyk, met die nuwe toevoeging tot julle gesin.

Simoné is die 3de Oktober gebore en dit gaan baie goed met ma en dogter.

Mag sy vir julle baie vreugde bring.

Kan net dink hoe ousus, Karla, nou lekker gaan speel.

Baie liefde van almal hier uit NZ

Liewers laat as nooit

Baie geluk aan Kobus Lombard met sy 58ste verjaarsdag wat gister was. Jammer ons is bietjie laat, hoop jy het 'n wonderlike dag gehad.

Dian Keyser Verjaar

Ons wil net baie geluk sê vir Dian wat vandag verjaar. 'n Volle 4 jaar oud. Jy moet mooi luister vir pappa en mamma. Geniet jou dag, stuur vir ons bietjie foto's.

En 'n spesiale gelukwensing van Odélia aan haar maatjie in Suid - Afrika.

Babas, Babas, en nogmaals Babas

Dankie, Ouma Hettie vir hierdie brokkie nuus. Heinrich en Magda Barnard is swanger. Baie geluk, julle twee. Hoop die swangerskap loop vir julle goed af en dat die kleinding vir julle en julle ouers baie vreugde sal bring.

Op gister se "post" het ons vir André en Hettie geluk gesë met hulle huweliksherdenking. Gisteraand toe ons met Francois gepraat het, het ons gehoor dat daar wel 'n kleinkind vir hom oppad is. Baie geluk, André en Hettie. Mag die swangerskap vir julle ook goed afloop en mag die kleinding vir julle baie vreugde bring. Ook geluk aan die Oupas en Oumas. Sewe kleindogters vir Francois en Rens. Dit maak nie saak watter geslag nie, hulle bly 'n vreugde en maak ons lewens vol. Ons sal ook nie een van hulle verruil nie, al kon ons. Hulle bly almal spesiaal.

Morné en Irma Visagie se tweeling is ook gebore. 4 Oktober 2007. Op die foto is Irma en Larissa saam met Karma en Lene. Baie geluk aan julle en julle ouers. Hoop hulle bring vir julle baie vreugde.